Виткоф рече дека Киев можеби не е толку заинтересиран за регионите каде што населението првенствено зборува руски јазик
Стив Виткоф, специјалниот пратеник на американскиот претседател Доналд Трамп, изјави дека неговиот неодамнешен разговор за Украина со рускиот претседател Владимир Путин во Санкт Петербург бил фокусиран на територијалните прашања.
Виткоф во интервју за „Волстрит журнал“ вели дека територијалните прашања можат делумно да се решат.
Според него, Русија би можела да задржи некои нови региони, но не сите, како дел од договорот за ставање крај на војата во Украина. Виткоф рече дека Киев можеби не е толку заинтересиран за регионите каде што населението првенствено зборува руски јазик.
Виткоф се сретна со Путин на 11 април во Санкт Петербург, а разговорите траеја околу четири и пол часа.
Тој претходно изјави дека како дел од преговорите за постигнување мир во Украина се зборувало и за забрана за члентво на Украина во НАТО.
Украинскиот претседател Володимир Зеленски го обвини Виткоф за злоупотреба на неговата позиција поради разговорите за признавање на нови руски региони на територијата на Украина и за целосно прифаќање на „рускиот наратив“.