Единаесет градски противпожарни служби биле испратени на местото на настанот. На тројца работници им била укажана медицинска помош, еден бил однесен во болница со скршена нога, додека други двајца претрпеле полесни повреди
Зграда во изградба денеска се урнала во самиот центар на Мадрид. Според првичните информации, најмалку тројца работници се повредени, а службите за итни случаи трагаат по уште двајца за кои се сомнева дека се заробени под урнатините, објави „Ел Паис“.
Единаесет градски противпожарни служби биле испратени на местото на настанот. На тројца работници им била укажана медицинска помош, еден бил однесен во болница со скршена нога, додека други двајца претрпеле полесни повреди. Иако првично имало извештаи за четворица исчезнати, полициски извори потврдија дека потрагата по две лица е во тек.
Varias dotaciones de @BomberosMad trabajando en C/Hileras tras derrumbe de varios forjados en un edificio en obras.
— Emergencias Madrid (@EmergenciasMad) October 7, 2025
Desplegado un dispositivo de @SAMUR_PC en la zona.@policiademadrid trabajan con los drones@policia colaborando pic.twitter.com/slTP129zT5
Менаџерката на продавницата за чоколади „Сан Хинес“, која се наоѓа на соседната улица, изјавила дека областа е блокирана.
„Целата зграда се урна и не можеме да поминеме. Има многу возила за итни случаи и полиција, а тие не нè пуштаат внатре“,
рекла таа.
Истражни извори велат дека најмалку шест ката се урнале и најмалку едно лице, ако не и повеќе, би можело да биде заробено.
„Информациите се сè уште многу збунувачки“,
додала таа.
Една од соседките рекла дека зградата била напуштена долго време пред да започне изградбата на хотел.
„Пред половина час почувствував ужасен потрес на улицата и огромна количина прашина се крена пред зградата, облак што ги исплаши и збуни луѓето“,
рекла таа.
Според соседката, службите за итни случаи реагирале многу брзо.
Сопственичка на продавница на истата улица потврдила дека сите се евакуирани.
„Зградата е целосно срушена и проверуваат дали има неколку работници кои се водат како исчезнати, сите сме евакуирани, а улицата е блокирана“,
изјавила таа.