На светот му треба повеќе единство и одлучност за побрзо да го победи рускиот терор и да ги заштити животите, порача Зеленски
Украинскиот претседател Володимир Зеленски објави видео за кое вели дека покажува како руски проектил погодува станбена зграда во Запорожје, југоисточна Украина.
„Напаѓаат станбени зони каде што живеат обични луѓе и деца. Ова не смее да стане ‘уште еден ден’ во Украина или на кое било друго место во светот. На светот му треба повеќе единство и одлучност за побрзо да го победи рускиот терор и да ги заштити животите“,
напиша Зеленски на Фејсбук.
Русија утрово започна нов жесток бран напади со беспилотни летала во Украина, има и мртви, соопштија украинските служби.