По околу четири часа разговори заврши денешната средба помеѓу премиерот и лидер на СДСМ, Зоран Заев, и претседателот на Алтернатива, Африм Гаши, меѓутоа двајцата лидери не дадоа изјави и најавија соопштение преку владината прес-служба.
„Имавме конструктивна средба, имаме заклучоци, прес-службата на Владата веднаш ќе ги сподели со сите вас“,
им одговори Заев на новинарите по што и тој и Гаши заминаа од Клубот на пратеници.
Заев на средбата дојде во друштво на заменик-министерот за финансии, Димитар Ковачевски, кој отворени најави дека планира да се кандидира за нов лидер на СДСМ, додека Гаши беше придружуван од генералниот секретар на Алтернатива, Беким Сали.