Премиерот Зоран Заев утрото се појави во скопскиот Кривичен суд каде што се очекува да сведочи во случајот „Титаник“, во кој за злосторничко здружување и изборен криминал се обвинети Никола Груевски, Гордана Јанкулоска, Мартин Протоѓер, Миле Јанакиески, Билјана Бришкоска, Илија Димовски, Кирил Божиновски, Леко Ристовски, Едмонд Темелко, Мунир Пепиќ и други од ВМРО-ДПМНЕ.
Со оглед на последните случувања со бегството на ексдиректорот на УБК, Сашо Мијалков, се очекува по исказот што ќе го даде, премиерот Заев да ѝ се обрати на јавноста.
Многубројни новинарски екипи се пред судот во очекување да ги чујат од Заев првичните согледувања на Владата во однос на исчезнувањето на Мијалков.