fbpx
Свет

(ВИДЕО) Во пукање пред трговски центар во Илиноис повредени повеќе од 20 лица

360степени | 18 јуни, 2023 15:06

Во нападот се повредени повеќе од 20 лица, а мотивот за престрелката сѐ уште не е познат

ФОТО: Принтскрин

Непознат напаѓач отворил оган пред трговски центар, каде што имало најмалку 200 луѓе, во Вилоубрук во американската сојузна држава Илиноис.

Во нападот, според „Дејли мејл“, загинато е едно лице, а најмалку 20 се повредени.

Според извештаите од локалните медиуми, две лица што биле застрелани се во критична состојба.

Пукањето се случило околу 12:30 часот на рутата 83 во близина на Хонисукл Лејн во Вилоубрук, Илиноис.

Мотивот за престрелката сѐ уште не е познат.

Според американските медиуми, напаѓачот наводно почнал да пука на улицата пред трговскиот центар, каде што во тоа време имало меѓу 200 и 300 луѓе, претежно тинејџери и млади, кои се собрале за да го прослават крајот на учебната година.

Во видеото објавено на социјалните мрежи од „Инсајдер тајмс“ може да се види дека на терен има полициски екипи, а голем број луѓе се обидуваат панично да избегаат од трговскиот центар и од пукањето.

©2025 360 степени, Сите права се задржани