Новото магазинско издание на емисијата „360 степени” се емитува вечерва (7 март 2024 г.) од 20:15 часот на МРТ 1
Во ова издание донесуваме:
– Како се трошат нашите пари – едно амбулантно возило купено од Министерството за здравство ќе чини околу 90 илјади евра без ДДВ, а оние што ги купи и ни ги донира ЕУ чинат драматично поевтино – околу 63 илјади евра по возило;
– Сториите за нерегулираниот увоз и продажба на никотински кесички – „снус“ ги дадоа првите резултати: Министерот за земјоделство Љупчо Николовски доставил детална информација до Владата;
– Кој против кого на листите за пратеници на 8 мај – Ковачевски и Мицкоски во „единицата“, Филипче против Николски во „четворката“, најнеизвесно за „петката“;
– Кои се кандидатите на кои потешко им оди собирањето потписи за претседателската трка – репортажа;
– Дивоградби над магистрална водоводна цевка во скопски Бутел;
– „Саботажа“.
Емисијата се емитува од 20:15 часот на МРТ 1.