Новото издание на емисијата „360 степени”, во кое со Гордана Софија и Ханес Јекл разговараме за акцијата „Генералка викенд“, се емитува вечерва (30 декември 2024 г.) од 20:15 часот на МРТ 1
Во новото издание на емисијата „360 степени“ кое се емитува на МРТ 1 вечерва (30 декември), една ноќ пред дочекот на Нова година, ќе избегаме од високата политика, но ќе останеме на политиките важни за граѓаните и општеството – животната средина и хуманото живеење. Разговараме со Гордана Софија и Ханес Јекл, идеолозите и двигатели на „Генералка викенд“ – вториот најмасовен настан во Македонија во 2024 година по двојните избори. Вториот викенд од мај, 20 илјади луѓе чистеа на 400 локации во земјава, во четвртото издание на акцијата по нејзината премиера во 2021 година. Слушнете во детали за мотивацијата и целта што сакаат да ја постигнат овие ентузијасти – таа Македонка, а тој Австриец, како и за нивната лична приказна и разбирање на животот.
Емисијата се емитува од 20:15 часот на МРТ 1.