Новото издание на емисијата „360 степени”, во кое гостуваат кандидатите за претседател на државата Стевчо Јакимовски („Храбро за Македонија“) и Билјана Ванковска (Левица), се емитува вечерва (15 април 2024 г.) од 20:15 часот на МРТ 1
Во новото издание на емисијата „360 степени“ на МРТ 1 ја продолжуваме серија предизборни интервјуа со кандидатите за претседател на државата што ја отворивме претходниот понеделник со Бујар Османи и Арбен Таравари. Сега за гости, во одделни разговори, ги имаме Стевчо Јакимовски, кандидат на коалицијата „Храбро за Македонија“, и Билјана Ванковска, кандидатка поддржана од партијата Левица. И двајцата ги прашуваме – како им оди со „измеќарството“ во кампањата откако лидерот ВМРО-ДПМНЕ ги обвини дека нивната улога во првиот круг од претседателските избори ќе биде да го намалат потенцијалот на Гордана Силјановска-Давкова. Со Јакимовски подетално дебатираме за неговиот став дека не е децидно „против“ внесување на Бугарите во Уставот, но е децидно „за“ целосно затворање на прашањето со Бугарија. Со Ванковска, пак, за нејзината идеја за политичка нација, комплетно нов Устав и нов пристап во надворешната политика.
Емисијата се емитува од 20:15 ч. на МРТ 1.