Новото издание на емисијата „360 степени”, во кое гостуваат кандидатите за претседател на државата Бујар Османи („Европски фронт“) и Арбен Таравари („Влен“), се емитува вечерва (8 април 2024 г.) од 20:15 часот на МРТ 1
Во ова издание на емисијата „360 степени“ на МРТ 1 почнуваме со серија предизборни интервјуа со кандидатите за претседател на државата. Поканети се сите седуммина и сите прифатија да бидат наши гости во следните изданија на „360 степени“ заклучно со 22 април, кога завршува кампањата пред првиот круг од претседателските избори закажан за 24 април. Во оваа емисија за соговорници ги имаме Бујар Османи, кандидат на коалицијата „Европски фронт“ и Арбен Таравари, кандидат на коалицијата „Влен“. И двајцата ги прашуваме – ќе беа ли кандидати ако две недели по првиот круг од претседателските избори не беа закажани парламентарни, односно дали нивните кандидатури се само во функција на мобилизација на гласачи во пресрет на изборите за пратеници. Закочениот европски процес на земјава, пристапот кон темата за уставните измени, т.н. балансер се, исто така, меѓу темите.
Емисијата се емитува од 20:15 часот на МРТ 1.