Новото магазинско издание на емисијата „360 степени” се емитува вечерва (9 октомври 2025 г.) од 21:15 часот на МРТ 1
Во оваа епизода донесуваме:
– Партиите и кандидатите трошат големи суми за изборни реклами на „Гугл“ и на социјалните мрежи, но без обврска за отчетност – потребна ли е регулација;
– Со неполни 30 години тој е најмладиот претендент за градоначалник на Скопје – портрет на Амар Мециновиќ од Левица;
– Зошто би ја напуштил комотната професорска катедра и би се зафатил со решавање градски проблеми – портрет на Горан Марковски, независен кандидат за градоначалник на Скопје;
– Дали ќе остане бастион на СДСМ или ќе добие локална власт од друга провениенција – предизборно од Струмица;
– „Саботажа“.
Емисијата се емитува од 21:15 часот на МРТ 1.