Новото издание на емисијата „360 степени”, во кое гостуваат кандидатите за претседател на државата Стево Пендаровски („Коалиција за европска иднина“) и Гордана Силјановска-Давкова (коалиција „Твоја Македонија“), се емитува вечерва (22 април 2024 г.) од 20:15 часот на МРТ 1
Циклусот предизборни интервјуа со сите седуммина кандидати за шеф на државата го заокружуваме во новото издание на емисијата „360 степени“ на МРТ 1 во кое гостуваат Стево Пендаровски и Гордана Силјановска-Давкова. И двајцата ги прашуваме за впечатоците од синоќешното телевизиско соочување и колку ваквите дебати влијаат врз одлуката на гласачите. Со Пендаровски разговараме зошто е главно сам на митинзите, а со Силјановска – зошто на собирите зборува и лидерот на ВМРО-ДПМНЕ, Христијан Мицкоски. Области во кои претседателот на државата има уставни и законски надлежности, како и заложби од изборните програми на кандидатите, се исто така, теми за разговор. Неизбежни се и уставните измени, односите со Бугарија и судбината на преговорите за членство на земјава во Европската Унија.
Емисијата се емитува од 20:15 часот на МРТ 1.