Новото издание на емисијата „360 степени”, во кое гостува претседателот на СДСМ, Венко Филипче, се емитува вечерва (2 декември 2024 г.) од 20:15 часот на МРТ 1
Што може да донесе како резултат лидерска средба по настаните од Денот на албанското знаме и синоќешните опожарувања во Куманово – е една од темите на кои разговараме со претседателот на СДСМ, Венко Филипче, кој гостува во новото издание на емисијата „360 степени“ на МРТ 1. Го прашуваме и зошто СДСМ не би поддржал интерпелација за министерот за внатрешни работи, како што најавија од ДУИ, ако повеќепати досега бараа оставка од Панче Тошковски. Зборуваме и за новото раководство на СДСМ, за тоа дали може да се зборува за кадровска криза во партијата, за критиките од ВМРО-ДПМНЕ дека „избра кадри кои се продолжена рака на Зоран Заев“, за реакцијата на сопартиецот Петре Шилегов… Дали пратеничката група е „диво месо“ со оглед на тоа што никој од пратениците, освен лидерот, не е дел од раководството на партијата? Што ќе биде успех за СДСМ на локалните избори, имаат ли кандидат за градоначалник на Скопје и како и овозможија на ВМРО-ДПМНЕ да се дистанцира од Данела Арсовска – се, исто така, меѓу прашањата.
Емисијата се емитува од 20:15 часот на МРТ 1.