Новото издание на емисијата „360 степени”, во кое гостува министерот за внатрешни работи Оливер Спасовски, се емитува вечерва (9 октомври 2023 г.) од 20:15 часот на МРТ 1
Со министерот за внатрешни работи Оливер Спасовски разговараме на теми од политиката и од сферата на надлежностите на ресорот со кој раководи. Јавните наводи за негови амбиции да биде кандидат за шеф на државата, односите во СДСМ и неговите релации со Ковачевски и Заев, стратешкиот тим, ставот за Максим Димитриевски, опциите за заеднички изборни листи со ДУИ и Алијанса за Албанците или за влада на ВМРО-ДПМНЕ и СДСМ по изборите, измените во Кривичниот законик, кокетирањето со Груевски – се дел од политичките теми што ги отвораме во интервјуто со Спасовски. Разговараме и за динамиката на замена на личните документи поради обврските од Преспанскиот договор, случајот „Онкологија“, случајот со двете габаритни дивоградби на Пластичарска во Скопје, засиленото полициско присуство во Центар и Аеродром, борбата со нелегалната трговија со дрога, фентанил…
Емисијата се емитува од 20:15 часот на МРТ 1.