Новото магазинско издание на емисијата „360 степени” се емитува вечерва (20 февруари 2025 г.) од 20:15 часот на МРТ 1
Во ова издание донесуваме:
– За владината мерка за ограничување на маржите за 102 групи производи и наодите на Државниот пазарен инспекторат дека трговците на мало пресметувале и до 25% маржа, а оние на големо до 50% – го прашуваме претседателот на новоформираната стопанска комора на трговци, Лавдрим Гега;
– Кој е оџата од Скопје чие обраќање до верниците стана вирално на интернет – го посетивме во Иса-беговата џамија;
– Кој утврдува дали државниот јавен обвинител сторил тешка дисциплинска повреда и може ли власта да го разреши без позитивно мислење за тоа од Советот на јавни обвинители – прашања за милион долари;
– „Микрофонот е ваш“: во очекување на црвено-жолтите таблички за службените возила, ги прашавме граѓаните дали ќе пријават ако забележат злоупотреба;
– Лицата со попреченост и изборите – ги нема во рекламите ниту во политичкиот наратив, а кога ги има – некој друг зборува во нивно име;
– „Саботажа“.
Емисијата се емитува од 20:15 часот на МРТ 1.