Новото издание на информативно-аналитичкиот магазин „360 степени” се емитува вечерва (26 март 2026 г.) од 23:00 часот на МРТ 1
Теми во новото издание на „360 степени“:
– Агенција за пристап до информации од јавен карактер – три месеци не постапува по жалби, три месеци не функционира сајтот, три месеци вработените не земаат плата; надлежната собраниска комисија дури вчера утврди кандидат за нов директор – кој е и што може да се очекување од него;
– пробиени рокови и фантастични 51 анекс на основниот договор – реконструкцијата на стара Комерцијална банка, сега во државна сопственост, никако да заврши по пожарот во 2020 година; што откри за тендерот Центарот за граѓански комуникации и што велат од инвеститорот – владината СОЗР;
– група модни дизајнери од Шведска, Литванија, Финска, Данска, Норвешка и Македонија на пат низ земјава под мотото „Зелена и одржлива мода: нордиско-балтичка приказна“;
– ќе се подготви ли Скопје навреме за европска престолнина на културата во 2028 г. – разговор со Лазе Трипков, член на координативното тело кое во име на градската власт ги организира активностите;
– „Саботажа“.
Емисијата се емитува од 23:00 часот на МРТ 1.