Новото магазинско издание на емисијата „360 степени” се емитува вечерва (8 мај 2025 г.) од 20:15 часот на МРТ 1
Теми за ова издание:
– Што пишува во нацрт-измените на законите со кои треба да се овозможи казнување за сообраќаен прекршок со снимка од камера – известувањето со линк ќе стигнува како порака на телефонот на сопственикот на возилото или на неговата електронска пошта;
– Се заоструваат условите за повторно полагање за возачка дозвола, се воведуваат поголеми казни за постојни прекршоци, но се воведуваат и нови казни – за пешаците, велосипедистите, мотоцилистите и други што користат електронски уреди, вклучувајќи и слушалки на двете уши, додека учествуваат во сообраќајот;
– Како ќе се казнува пешак што поминува коловоз и носи слушалки на двете уши, како ќе реагираат камерите кога возило ќе помине на жолто светло, имајќи предвид дека минување на жолто се толерира под одредени услови – се дел од прашањата во разговорот со Снежана Петровиќ-Арсовска и Маја Арсовска-Манов од МВР;
– Министерот за животна средина во ноември вети дека до крајот на март системот „Ѓавото“ во Дојранското Езеро ќе носи по 500 литри во секунда – дали ветувањето е исполнето;
– Зошто владините службени возила сè уште немаат црвено-жолти регистарски таблички – прашање до директорот на СОЗР, Ивица Томовски;
– „Саботажа“.
Емисијата се емитува од 20:15 часот на МРТ 1.