Новото дебатно издание на емисијата „360 степени”, во кое гостува Данела Арсовска – градоначалничка на Град Скопје и претседателка на партијата Нова алтернатива, се емитува вечерва (26 февруари 2024 г.) од 20:15 часот на МРТ 1
Зошто не собра илјада пристапници и не формираше нова политичка партија туку презеде веќе постоечка (Нова алтернатива) – е едно од прашањата до Данела Арсовска во новото издание на емисијата „360 степени“ на МРТ 1. Со лидерката на Нова алтернатива разговараме и за тоа дали партијата самостојно или во коалиција ќе настапи на парламентарните избори, каков резултат очекува, дали и кого ќе поддржи на претседателските избори… Од темите поврзани со Град Скопје, градоначалничката ја прашуваме кој е секретар во моментов, како би ја дефинирала улогата на Драган Митковски познат како Драги Книга, како се случи синдикатот на ЈСП Скопје кој ја величаше по изгласаните субвенции да се сврти против неа, до каде е со исполнување на изборното ветување за бесплатен јавен превоз, кога и во какви околности мостот Беласица ќе биде целосно во функциија…
Емисијата се емитува од 20:15 часот на МРТ 1.