Фон дер Лајен рече дека наскоро ќе има повеќе вакцини, бидејќи е докажано дека се безбедни и ефикасни
Претседателката на Европската Комисија, Урсула фон дер Лајен, објави дека вакцините против ковид-19 се доставени до сите земји на ЕУ и дека вакцинацијата ќе започне утре.
„Вртиме нова страница во оваа тешка година. Денес е ден на испорака, а утре е ден кога ќе почне вакцинацијата. Вакцинацијата против ковид-19 започнува низ целата Европска унија”,
рече Фон дер Лајен во краткото видеообраќање објавено на нејзиниот профил на Твитер.
Today, we start turning the page on a difficult year. The #COVID19 vaccine has been delivered to all EU countries.
— Ursula von der Leyen (@vonderleyen) December 26, 2020
Vaccination will begin tomorrow across the EU.
The #EUvaccinationdays are a touching moment of unity. Vaccination is the lasting way out of the pandemic. pic.twitter.com/pYOj5vS2gV
Таа рече дека вакцината е достапна во сите земји-членки на ЕУ истовремено, и дека луѓето ќе започнат да ја примаат вакцината во Атина, Рим, Хелсинки, Софија, и насекаде во Унијата.
„Нашите европски денови на вакцинација се трогателен момент на единство и приказна за успех во ЕУ“,
додаде таа.
Фон дер Лајен рече дека наскоро ќе има повеќе вакцини, бидејќи е докажано дека се безбедни и ефикасни. Таа рече дека ЕУ обезбеди дози на вакцини за целото население од 450 милиони и обезбеди вакцини за соседите во Европската економска област (ЕЕА) како што се Исланд или Норвешка.
Таа посочи дека вакцинацијата ќе помогне постепено да се врати животот во нормала, но дотогаш луѓето треба да бидат внимателни да се заштитат себе си и своите најблиски од вирусот.
Првите контингенти на вакцината „Фајзер“ пристигнаа од европските градови: Загреб, Атина, Мадрид, Софија…