Гувернерот на Саратовската Oбласт, Роман Бусаргин, изјави дека два града биле цел на масовен напад со беспилотни летала и дека има оштетувања на индустриска зграда. Тој не кажа дали е погодена воздушната база во Енгелс
Украински беспилотни летала ги нападнаа руските градови Саратов и Енгелс, каде што Русија има воздухопловна база за својата флота од стратегиски бомбардери, изјави гувернерот на Саратовската Област.
Гувернерот Роман Бусаргин изјави дека два града биле цел на масовен напад со беспилотни летала и дека има оштетувања на индустриска зграда. Тој не кажа дали е погодена воздушната база во Енгелс.
Бусаргин додаде дека избувнал пожар во погодената индустриска компанија, но дека нема евидентирани жртви. Руските медиуми поврзани со безбедносните служби објавија фотографии на кои се гледа голем пожар, а локалните жители велат дека слушнале повеќе експлозии.
Russian Telegram channels report a drone attack on an oil depot in Engels, Russia’s Saratov region. A fierce fire broke out there. pic.twitter.com/tnpjsPgaks
— Anton Gerashchenko (@Gerashchenko_en) January 8, 2025
Каналот „База“ на комуникациската платформа Телеграм информира дека пожарот гори во близина на нафтениот капацитет.
Во воздухопловната база во Енгелс е сместена руската флота на бомбардери со долг дострел, која е дел од стратегиските нуклеарни сили на Москва, а се наоѓа на околу 730 километри југоисточно од Москва и на стотици километри од украинската граница.
Moments ago, Ukrainian attack drones successfully struck Russia’s Rosrezerv fuel storage depot in the city of Engels, Saratov Oblast.
— OSINTtechnical (@Osinttechnical) January 8, 2025
The facility is violently burning. pic.twitter.com/hnAL4MiiaB
Украина и претходно ја напаѓала базата. Тројца членови на руските воздухопловни сили беа убиени во декември 2022 година кога таму беше соборен дрон.