Исланд е една од најактивните вулкански области на планетата. Наместо централен вулкан, на полуостровот Рејкјанес доминира долина со полиња со лава и конуси
Светски познатата Сина лагуна на Исланд и блискиот град Гриндавик беа евакуирани вчера по ерупција на вулкан на полуостровот Рејкјанес, објавил исландскиот јавен радиодифузер, пренесува Си-ен-ен.
Ова е четврта ерупција од декември, а прогласена е и вонредна состојба во регионот.
„Лавата брзо тече северно од градот Гриндавик, исто како и за време на ерупцијата на 8 февруари“,
пишува Си-ен-ен.
Oh wow! Incredible video of the eruption this evening in #Iceland
— Volcaholic ? (@volcaholic1) March 17, 2024
? Kristinn Gauti Gunnarssonpic.twitter.com/9V7AS5xnmA
Лава течела и кон патот Гриндавикурвегур, главниот пат што води до Гриндавик.
„Пукнатината е долга околу три километри и се протега од Стора-Скогфел кон Хагафел“,
се вели во соопштението.
Главниот меѓународен аеродром во Исланд, аеродромот Кефлавик и другите регионални аеродроми остануваат целосно оперативни.
„Сегашната ерупција е најмоќната во неодамнешниот бран на сеизмичка активност“,
изјавил геофизичарот Магнус Туми Гудмундсон по посетата на локацијата со хеликоптер.
Iceland erupts for the fourth time in 3 months. Biggest eruption of them all, lava estimated to reach the Atlantic Ocean later today if this continues at current speed. Sharing is caring but if you don’t tag me in reposts the lava God will be mad! pic.twitter.com/vAt77ObiwX
— Bjorn Steinbekk (@BSteinbekk) March 17, 2024
Според него, пукнатината на вулканот која сега е многу активна, се протега од северната страна на Хагафел и северно до Стора-Скогфел. Тој процени дека таа е широка околу 3,5 километри.
Нешто помалку од еден час возење од главниот град и најголемиот град на Исланд, Рејкјавик, Сината лагуна е една од најпопуларните туристички атракции во земјата.
Локалитетот е дел од полуостровот Рејкјанес во југозападен Исланд, а покрај Сината лагуна, на полуостровот се наоѓа и главниот аеродром на Исланд.
Исланд е една од најактивните вулкански области на планетата. Наместо централен вулкан, на полуостровот Рејкјанес доминира долина со полиња со лава и конуси.
Лагуната беше евакуирана претходно во март поради сеизмичка активност. Во ноември беше затворена една недела откако за 24 часа беа измерени 1 400 земјотреси.