fbpx
Свет

(ВИДЕО) Трамп: Ја сакам Украина, но земјата е во сериозна неволја

360степени | 16 септември, 2025 22:29

„Ја сакам Украина, го сакам народот на Украина. Но, земјата е во сериозна неволја. Тоа е војна што никогаш не требаше да се случи. Но, јас ќе ја спречам“, изјави Трамп

Американскиот претседател Доналд Трамп, на почетокот на неговата државна посета на Обединетото Кралство, денеска кусо разговараше со новинарите за војната во Украина и неговите планови за нејзино запирање. 

Запрашан од една новинарка за испораката на американските системи „Патриот“ за Украина и тајмингот на нивно пристигнување, американскиот претседател прво ја праша новинарката од каде е, а кога слушна дека е од Украина, тој кусо кажа:

„Ја сакам Украина, го сакам народот на Украина. Но, земјата е во сериозна неволја. Тоа е војна што никогаш не требаше да се случи. Но, јас ќе ја спречам“,  

Трамп додаде дека тој лично запрел седум војни во последните осум месеци.

„Мислев дека ова ќе биде најлесно, бидејќи го познавам Путин. Но, не е така, бидејќи постои огромна омраза меѓу Зеленски и Путин. Но, ние ќе го спречиме тоа“,

рече американскиот претседател.

©2025 360 степени, Сите права се задржани