fbpx
Свет

(ВИДЕО) Товарен авион се урна во двор на станбена зграда во близина на аеродромот во Вилнус – едно лице загина

360степени | 25 ноември, 2024 08:21

Пожарникарите гаснеле пожар што се издигал над зградата на околу 1,3 километар северно од пистата на аеродромот во Вилнус

Товарен авион на ДХЛ се урна рано утрово во близина на аеродромот во Вилнус, главниот град на Литванија, пренесува Си-ен-ен. Според првичните информации од полицијата и пожарникарите, едно лице е загинало, а најмалку две се пренесени во болница.

Авион се урна во близина на аеродромот во главниот град на Литванија / Фото: Притнскрин

Портпаролот на владиниот Национален центар за управување со кризи посочи дека авионот се урнал во двор на мала станбена зграда, во која имало 12 жители, но додаде дека нема жртви.

Пожарникарите гаснеле пожар што се издигал над зградата на околу 1,3 километар северно од пистата на аеродромот во главниот град на Литванија.

„Специјалните служби за спасување се на местото на настанот, исто како и противпожарните служби на аеродромот“,

изјави портпаролот на аеродромот.

Според него, откажани се неколку полетувања поради тековната спасувачка акција во близина на аеродромот. Сепак, како што пренесува Си-ен-ен, ќе се реализираат сите планирани летови.

Ројтерс објави дека товарниот авион бил управуван од авиокомпанијата „Свифт“ во име на ДХЛ.

©2026 360 степени, Сите права се задржани