Силно невреме, со електрични празнења и дожд, вечерва го зафатија Охридскиот регион.
Како што јавува порталот „Охрид њуз“, во делови од овој регион паѓал и град. За кратко време наврнало голема количина, но во градот не се предизвикани посериозни проблеми.
Обилен дожд и град во делови од државата се најавува и за утре во попладневните часови.
„Претпладне сончево со мала до умерена облачност. Од пладневните часови на повеќе места ќе биде нестабилно, со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен пороен дожд, силни електрични празнења и појава на град“,
гласи прогнозата на УХМР за утре.
За во недела, пак, се најавува променливо облачно време во претпладневните часови, а во попладневните на повеќе места се очекуваат пороен дожд, грмежи и засилен ветер.