Според американскиот геолошки завод, епицентарот на земјотресот бил во близина на градот Мазар-е Шариф, на длабочина од 28 километри
Земјотрес со јачина од 6,3 степени според Рихтеровата скала го погоди северниот авганистански град Мазар-е Шариф рано утрово, при што загинаа најмалку 20 лица, а околу 150 беа повредени, соопштија покраинските власти.
Според американскиот геолошки завод, епицентарот на земјотресот бил во близина на градот Мазар-е Шариф, на длабочина од 28 километри.
CCTV footage shows the moment a strong M6.3 earthquake struck Mazar-e-Sharif, Afghanistan, a short while ago. pic.twitter.com/NX0o04Ggi5
— Weather Monitor (@WeatherMonitors) November 2, 2025
„Вкупно 150 повредени и 20 мртви лица се пријавени до утрово и се префрлени во здравствени центри“,
изјави за Ројтерс Самим Џојанда, портпарол на здравствените служби во Саманган, планинска северна покраина во близина на Мазар-е Шариф.
Во градот Мазар-е Шариф живеат околу 523 000 луѓе.
Американскиот геолошки институт издаде портокалово предупредување на својот систем ПАГЕР, автоматизиран систем кој дава информации за влијанието на земјотресот, и посочи дека веројатни се значителни жртви и дека катастрофата е потенцијално широко распространета.
A powerful earthquake struck northern Afghanistan in the middle of the night, causing houses to collapse while residents were deeply asleep, resulting in numerous fatalities. pic.twitter.com/t4x6dNmwdQ
— Nilofar Ayoubi 🇦🇫 (@NilofarAyoubi) November 2, 2025
Кон крајот на август, земјотрес со интензитет од шест степени ги погоди источните провинции Кунар, Лагман и Нангархар, при што загинаа повеќе од 2 200 луѓе.
Земјотресите се честа појава во Авганистан, особено во планинскиот венец Хиндукуш, во близина на спојот на евроазиската и индиската тектонска плоча.