Информациите што ги пренесуваат медиумите се дека хеликоптерот превезувал пилот, двајца возрасни и три деца
Хеликоптер се урнал вечерва во реката Хадсон во близина на западниот брег на Менхетен во Њујорк, а пријавени се и жртви, пренесува „Еј-би-си њуз“.
Според последните информации што ги пренесува „Еј-би-си њуз“ сите шест лица што биле во хеликоптерот се загинати. Информациите што ги пренесува медиумот се дека хеликоптерот превезувал пилот, двајца возрасни и три деца.
„Членовите на семејството биле туристи од Шпанија“, велат извори за американскиот медиум.
Според сведок, што дал изјава за медиумот, се слушнале силни звуци што звучеле како истрели од огнено оружје на небото и потоа се гледале парчиња како паѓаат во реката.
#BREAKING: A helicopter has crashed into the Hudson River near Pier 25, close to West Side Highway & Spring Street. Emergency crews are on scene, with traffic delays reported in the area.
— Turbine Traveller (@Turbinetraveler) April 10, 2025
The aircraft involved is a Bell 206L-4 LongRanger IV, registration N216MH.#HudsonRiver pic.twitter.com/7LnwKM0VVN
Други сведоци рекле дека хеликоптерот се спуштил под агол од 45 степени и имало големо прскање при што тој се поделил на два дела, а еден пропелер се скршил на парчиња.
Според њујоршката полиција, пак, како што пренесува Би-би-си, едно лице е загинато, а најмалку две лица се извлечени од водата, но нивната состојба не е позната.
Footage of the helicopter that crashed in the Hudson River in Manhattan, New York, flying erratically before crashing. pic.twitter.com/bGA51Y57pg
— Breaking News (@TheNewsTrending) April 10, 2025
Според веб-страницата за следење летови „Флајтрадар“, хеликоптерот бил во воздух 15 минути, а полетал од хелидромот Менхетен во центарот на Њујорк.
„Се чини дека хеликоптерот е на приватен сопственик. Ова е хеликоптер со еден мотор со турбина кој обично може да прими седум патници“,
се вели во објавата на „Флајтрадар“.
Од противпожарната служба на Њујорк потврдуваат дека нивните тимови се на местото на настанот заедно со копнените и поморските единици за одговор при итни случаи. Сепак, додаваат оттаму, засега не е познато колку луѓе имало во авионот во моментот на несреќата.