fbpx
Свет

(ВИДЕО) Седум лица загинаа, а петмина се повредени во експлозија во ресторан во Турција

360степени | 30 декември, 2022 18:30

Експлозијата се случила околу 15:30 часот по локално време додека се менувал канистер со гас во турска ќебапчилница, соопшти јавното обвинителство на областа Назили. Во експлозијата загинаа најмалку седум лица, а петмина се повредени. Еден од повредените има изгореници на телото над 80 отсто и е во критична состојба

Најмалку седум лица загинаа во експлозија на канистер со гас во ресторан во западна Турција. Во експлозијата која се случила во областа Назили во провинцијата Ајдин повредени се уште пет лица, објави гувернерот на областа, Хусеин Аксој на Твитер, пренесе Асошиејтед прес.

„Посакувам Божја милост на нашите седум граѓани кои ги загубија животите како последица на експлозија на цевка на работно место во нашата населба Назили, и брзо закрепнување на нашите петмина повредени граѓани. Моето сочувство до семејствата на оние кои ги загубија животите“,

пишува на Твитер гувернерот на турската област Назили, Хусеин Аксој.

Еден од повредените има изгореници на телото над 80 отсто и е во критична состојба. Тој, како што објави министерот за здравство Фахретин Коча, префрлен е на лекување во западната провинција Измир.

Експлозијата се случила околу 15:30 часот по локално време додека се менувал канистер со гас во турска ќебапчилница, соопшти јавното обвинителство на Назили. Дополнително, како што додава Асошиејтед прес, во соопштението од обвинителството се вели дека имало налози за притвор за пет лица.

Медиумите јавија дека настанал пожар по експлозијата во ресторанот, кој се наоѓа на прометна улица. 

Снимките покажуваат противпожарни возила и амбулантни возила на местото на настанот.

Претходно, министерот за правда Бекир Боздаг на Твитер објави дека е приведено едно лице кое наводно ја предизвикало експлозијата. Додаде дека истрагата ја спроведуваат тројца обвинители и дека инцидентот ќе се истражува од сите аспекти.

©2024 360 степени, Сите права се задржани