Осум лица се загинати, а се стравува дека други се заробени откако се урнала зграда во изградба во населбата Пји Ги Тагон во Мандалај, вториот по големина град во Мјанмар, пишува „Гардијан“
Најмалку 10 лица загинаа во уривање џамија во Мјанмар по силниот земјотрес во оваа југоисточна азиска земја, пренесува ДПА.
Џамијата наводно се наоѓала во градот Мандалеј, во центарот на Мјанмар. Според извештајот, џамијата се урнала за време на молитва.
Новинската агенција, исто така, јавува дека се урнал и манастир во кој имало раселени лица во јужниот град Таунгу. Според очевидци, пет лица загинале, меѓу кои и деца, а неколку луѓе сè уште се заробени под урнатините.
Осум лица се загинати, а се стравува дека други се заробени откако се урнала зграда во изградба во населбата Пји Ги Тагон во Мандалај, вториот по големина град во Мјанмар, пишува „Гардијан“.
„Целиот град Мандалај ги почувствува последиците од земјотресот. Спасувачките тимови и болниците се преоптоварени. Се задоволуваме со ресурсите што ги имаме во соседството“,
велат сведоци за британскиот медиум.
По силниот земјотрес од 7,7 степени според Рихтеровата скала што го погоди Мјанмар, воената хунта прогласи вонредна состојба низ целото подрачје на центарот на земјата, вклучително и во вториот по големина град Мандалеј и главниот град Најпидау.
#MYANMAR: Just saw a clip of people huddled on the ground near by the aircraft, trying to stay safe during a massive earthquake at Mandalay International Airport, right before boarding their flight. #Earthquake #Mandalay pic.twitter.com/dCIr3hwx68
— Cape Diamond (@cape_diamond) March 28, 2025
Големи делови од Мјанмар сè уште не се под контрола хунтата додека таа се бори со етничките бунтовнички групи и продемократските борци по преземањето на власта со државен удар во 2021 година.
Според Геолошкиот институт на Соединетите Американски Држави (УСГС), епицентарот бил на околу 17,2 километри од градот Мандалеј, кој има околу 1,2 милион жители. Околу 12 минути по првиот земјотрес, втор силен последователен потрес со јачина од 6,4 ја погоди областа.
Силниот земјотрес во Мјанмар предизвика штета на многу високи згради во главниот град на Тајланд, Бангкок, изјави градоначалникот Чадчарт Ситипунт.
Over 40 construction workers are reported missing, following the collapse of an under construction high-rise building in the Thai capital of Bangkok, as a result of today’s 7.7 magnitude earthquake in Myanmar. pic.twitter.com/ydkbxExorf
— OSINTdefender (@sentdefender) March 28, 2025
Според извештаите на итните служби, најмалку две лица се загинати, а непознат број луѓе се уште се заробени по уривање на зграда во главниот град Бангкок.
Ситипунт предупреди на можни последователни потреси и ги повика луѓето да бидат смирени додавајќи дека ситуацијата е главно под контрола.
Тој вели дека властите примиле 169 повици за оштетување на зградите во Бангкок.