Еден 45-годишен цивил е убиен, а две лица се повредени во напад на населба во близина на линијата на фронтот во регионот Запорожје, информира гувернерот на југоисточниот регион во објава на апликацијата за пораки Телеграм
Во ноќните напади на руски беспилотни летала врз Украина загина најмалку едно лице, а 10 се повредени, меѓу кои и три деца, соопштија официјални лица.
Во нападите беа оштетени енергетските капацитети во два региони, информира украинскиот претседател Володимир Зеленски.
Нападите се случија кога двете страни се обвинуваат меѓусебно дека не го почитуваат мораториумот предложен од САД за удари врз енергетската инфраструктура.
Last night, the Russian army continued using attack drones against Ukraine. A total of 74 drones were launched, including 54 Shaheds. Kharkiv was deliberately targeted – at least 14 drones. Unfortunately, there were hits. There are wounded, including three children. All are… pic.twitter.com/PUk5tSlHMN
— Volodymyr Zelenskyy / Володимир Зеленський (@ZelenskyyUa) April 2, 2025
„Оваа систематска и постојана природа на руските напади јасно покажува дека Москва ги презира дипломатските напори на своите партнери. Потребен е нов и опиплив притисок врз Русија за да се стави крај на оваа војна“,
порача Зеленски.
Минулої ночі російська армія продовжила застосовувати проти України ударні дрони. Загалом було 74 безпілотники, з них 54 – «шахеди». Цілеспрямована атака проти Харкова – щонайменше 14 дронів. На жаль, були влучання. Є поранені, і серед них троє дітей. Усім надається необхідна… pic.twitter.com/2zRdNlMcq6
— Volodymyr Zelenskyy / Володимир Зеленський (@ZelenskyyUa) April 2, 2025
Беспилотно летало погоди трафостаница во североисточниот регион Суми, а артилерискиот оган оштети далновод во централниот регион Днепропетровск, прекинувајќи го снабдувањето со електрична енергија на речиси 4 000 потрошувачи, објави Зеленски на социјалната мрежа Икс.
Еден 45-годишен цивил е убиен, а две лица се повредени во напад на населба во близина на линијата на фронтот во регионот Запорожје, информира гувернерот на југоисточниот регион во објава на апликацијата за пораки Телеграм.
Напади врз Харков
Петнаесет напади со беспилотни летала беа извршени врз Харков, вториот по големина град во Украина во близина на руската граница, изјави градоначалникот на градот, Ихор Терехов, во објава на Телеграм.
Олех Синехубов, регионалниот гувернер, рече дека меѓу осумтемина повредени во Харков има деветмесечно бебе, седумгодишно момче и шеснаесетгодишно девојче.
Русија неодамна ги засили нападите врз градот, при што во нејзините напади изминатиот викенд загинаа најмалку две лица, а десетици беа повредени.
Украинското воено воздухопловство собори 41 беспилотно летало од 74 лансирани од Русија, се вели во соопштението на Телеграм. Други 20 беспилотни летала не ги достигнале своите цели, најверојатно поради контрамерки за електронско војување, се додава, без да се прецизира што се случило со останатите 13 беспилотни летала.
Двете страни негираат дека целеле цивили во војната што започна со руската инвазија во февруари 2022 година, нагласувајќи дека нивните напади имаат за цел да ја уништат инфраструктурата што е од клучно значење за војната.