Овие напади се случуваат само еден ден пред најавените преговори во Истанбул каде што руска делегација би можела да се сретне со украинските преговарачи во обид да се воспостави директен дијалог
Украинските власти објавија дека најмалку четири цивили се убиени, а најмалку 26 се повредени во новите руски напади врз неколку региони во земјата, пред можните мировни преговори закажани за утре во Истанбул.
Украинските воздухопловни сили објавија дека руските сили испалиле балистичка ракета „искандер-М“ (КН-23) од окупираниот Крим и лансирале вкупно 145 дрона од руските региони Курск и Брјанск.
Според украинските податоци, противвоздушната одбрана соборила 80 дрона, додека 42 исчезнале од радарот без да бидат регистрирани штети.
— Dominik (@99Dominik_) May 14, 2025
Овие напади се случуваат само еден ден пред најавените преговори во Истанбул каде што руска делегација би можела да се сретне со украинските преговарачи во обид да се воспостави директен дијалог. Москва сè уште не открила кој ќе ја претставува Русија, а Кремљ вели дека делегацијата ќе почека на украинската страна.
Украинскиот претседател Володимир Зеленски изјави дека ќе го чека рускиот лидер Владимир Путин во Истанбул.
Во исто време Русија тврди дека најмалку 16 лица се повредени во украинскиот напад со беспилотни летала врз регионот Белгород.