Откако се слушнале истрели, учениците се затвориле во училниците и не излегувале. Како што пишуваат на социјалните мрежи, тие лежеле на подот и чекале полицијата да ги евакуира
Најмалку пет лица се застрелани во училиште во градот Оребро, централна Шведска, а меѓу повредените се смета дека е и осомничениот сторител, пренесува Си-ен-ен.
Пукањето се случило во училиштето за возрасни, а во кампусот каде што се наоѓаат и други училишта, вклучително и за деца.
Шведската полиција денеска соопшти дека операцијата е во тек.
„Најмалку едно лице е тешко рането. Шест лица се пренесени во локалната универзитетска болница, од кои пет се здобиле со прострелни рани. Четворица од нив биле оперирани“,
рече Јонас Клаесон, регионален директор за здравствена заштита.
Active school shooting happening in Örebro, Sweden right now. Four people have been shot with an automatic weapon. Students have locked themselves in the classrooms. pic.twitter.com/118FGtzpMH
— S🕊️🇸🇪 (@8bdrssss) February 4, 2025
Се верува дека осомничениот сторител, кој пукал, е меѓу повредените.
Полицијата соопшти дека се обидува да го утврди можниот мотив за нападот.
Откако се слушнале истрели, учениците се затвориле во училниците и не излегувале. Како што пишуваат на социјалните мрежи, тие лежеле на подот и чекале полицијата да ги евакуира.
WATCH: Heavy gunfire heard at school in Orebro, Sweden. At least 5 people shot, scene still active pic.twitter.com/8RfffYjczo
— BNO News (@BNONews) February 4, 2025
Училиштето каде се случиле пукотниците нуди курсеви на ниво на основно и средно образование, но и за ученици на возраст од 20 и повеќе години – вклучувајќи и часови за имигранти, како стручна обука.
Во моментот на нападот во кампусот имало невообичаено мал број ученици.
Шведскиот премиер Улф Кристерсон повика на истрага за случајот.
„Со тага добив информација за страшниот чин на насилство во Оребро. Моите мисли се со оние кои се погодени и нивните роднини. Ова е многу болен ден за цела Шведска“,
објави Кристерсон.