Првиот собир на „Србите за Русите“ се одржа на 4 март во Белград, кога неколку илјадници демонстранти пешачеа од споменикот на рускиот цар Николај Романов во центарот на градот до Руската амбасада
Со знамињата на Русија, Белорусија, Србија, Новорусија, како и знамето со ликот на Ратко Младиќ, околу илјада граѓани се собраа на паркингот во близина на белградскиот Сава центар пред планираното протестно возење за поддршка на Русија и рускиот народ во војната со Украина, пренесуваат српските медиуми.
Авто-поворката „Србите за Русите“ тргна од Сава центарот и помина низ централните градски улици, на многумина им беше нацртана буквата „Z“, како на руските борбени возила во Украина, а митингот заврши кај Руската амбасада во Белград.
Во поканата за протестот на социјалните мрежи не беше објавено кој е организатор на протестот, но собирот го поддржа екстремно десничарската организација Народна патрола.
Првиот собир на „Србите за Русите“ се одржа на 4 март во Белград, кога неколку илјади луѓе пешачеа од споменикот на рускиот цар Николај Романов во центарот на градот, до Руската амбасада.
На протестот, меѓу другите, говореа Дамјан Кнежевиќ, претставник на екстремно десничарската организација Народна патрола и Младен Обрадовиќ, претставник на клерофашистичката организација Образ.
Досега во Белград се одржани два собири за поддршка на украинскиот народ и против војната, но на нив имаше помалку луѓе од митингот за поддршка на Русија.