Претседателот на средбата го охрабри Амир да продолжи со посветеноста во образовниот процес за да ги постигне своите цели за подобра иднина
Претседателот Стево Пендаровски денеска го прими Амир Дестанов, ученик во ООУ „Браќа Рамиз и Хамид“, Шуто Оризари, кој на натпреварот по математика „Кенгур 2022“ освои трето место и е вклучен во активностите на Дневниот центар за деца на улица.
Претседателот Пендаровски беше запознат со исклучително тешкото детство на Амир и со суровите услови на живот кои ги искусил од најмала возраст. Импресиониран од успесите и посветеноста на Амир, претседателот Пендаровски му го честиташе 3-тото место на математичкиот натпревар и му посака светла иднина и безгрижни тинејџерски денови.
Претседателот на средбата,го охрабри Амир да продолжи со посветеноста во образовниот процес за да ги постигне своите цели за подобра иднина.
На средбата присуствуваа и наставничката по математика на Амир и претставници на Дневниот центар, со кои се разговараше за постигнатиот успех на осмоодделенецот, како и за предизвиците и условите за работа на Дневниот центар за деца на улица.