„Најмалку осум лица се повредени изминатата ноќ во комбинираниот руски напад врз украинскиот главен град со ракети и беспилотни летала“, соопшти градоначалникот на Киев, Виталиј Кличко
Русија во текот на ноќта лансираше десетици беспилотни летала и балистички ракети врз Киев во еден од најголемите комбинирани воздушни напади врз украинскиот главен град од тригодишната војна, Оштетени се неколку станбени згради и повредени се најмалку 14 лица, пренесува Ројтерс.
Низа експлозии го потресоа градот. Едно беспилотно летало го погоди последниот кат на станбена зграда во областа Соломјан на западниот брег на реката Днепар.
„Најмалку осум лица се повредени изминатата ноќ во комбинираниот руски напад врз украинскиот главен град со ракети и беспилотни летала“,
соопшти градоначалникот на Киев, Виталиј Кличко.
At least eight Kyiv residents were injured in a nighttime attack on the Ukrainian capital. The barrage of drones and ballistic missiles sparked fires in three districts, damaging residential apartment buildings, a shopping mall, and non-residential facilities.… pic.twitter.com/n52h5YfZSz
— Гюндуз Мамедов/Gyunduz Mamedov (@MamedovGyunduz) May 24, 2025
Тимур Ткаченко, началник на воената администрација на Киев, соопшти дека на повеќе локации избувнале пожари, а има и штети од паднати делови од беспилотни летала.
Ноќешниот напад е еден од најголемите комбинирани руски воздушни удари врз Киев од почетокот на војната во Украина во февруари 2022 година, а следува откако во изминатите неколку дена Украинците извршија околу 800 напади со дронови врз Русија, вклучувајќи го и главниот град Москва.
Рускиот министер за надворешни работи Сергеј Лавров вчера изјави дека Москва соодветно ќе одговори.