Репортажата на „360 степени“ насловена „Од Бекирлија до Холивуд – како се снимаше ,Медена земја’“ надмина сто илјади прегледи на „Јутјуб“. ТВ-сторијата, авторство на новинарката Славица Филиповска, снимателот Роберт Анев и монтажерот Костадин Анастасов, го покажува (не)медениот пат до двете номинации за Оскар на екипата на „Медена земја“ и ги пренесува впечатоците на ѕвездата на документарниот филм Атиџе за тоа што се случувало и се случува со филмот.
Разговараме и со еден од кинематограферите на документарецот, Фејми Даут. Колку време и како се снимаше „Медена земја“, дали сите сцени од филмот се реалност, какви се очекувањата по двете историски номинации.
Видеото кое премиерно го емитувавме во емисијата „360 степени“ на ТВ Алсат на 20 јануари, е достапно на “Јутјуб” и со превод (титл) на англиски јазик.