Да сфатиме дека различниот од нас не е наш непријател. Да ја разбереме политиката како борба за идеи и концепти за подобро денес и утре, а не како борба на живот и смрт, се вели во честитката од претседателот на државата до граѓаните
Претседателот Стево Пендаровски упати честитка по повод 8 Септември, Денот на независноста. Во видеопораката се истакнува дека Северна Македонија е нашиот единствен, заеднички дом и ќе биде пристојно место за живеење само ако секој од нас го вложи во него својот труд, својата одговорност и својата совест
„Почитувани сограѓани, Нашата најголема вредност, со векови наназад е традицијата на почитување на различностите. Северна Македонија, може да напредува, само, ако сите нејзини граѓани ја чувствуваат како своја татковина. Нашето подобро утре зависи и од интеграциите во важните меѓународни организации. Како мала држава, во денешниот глобален и немирен свет, не можеме да опстоиме без сојузници и пријатели. Интеграциските процеси беа, и се уште се, и мотив и средство за постигнување на внатрешна кохезија и за достигнување на највисоките европски вредности.
Почитувани сограѓани,
нашата најголема вредност, со векови наназад е традицијата на почитување на различностите. Северна Македонија, може да напредува, само, ако сите нејзини граѓани ја чувствуваат како своја татковина. Нашето подобро утре зависи и од интеграциите во важните меѓународни организации. Како мала држава, во денешниот глобален и немирен свет, не можеме да опстоиме без сојузници и пријатели. Интеграциските процеси беа, и сеуште се, и мотив и средство за постигнување на внатрешна кохезија и за достигнување на највисоките европски вредности.
Драги сограѓани,
да се почитуваме и разбираме меѓу себе. Да сфатиме дека различниот од нас не е наш непријател. Да ја разбереме политиката како борба за идеи и концепти за подобро денес и утре, а не како борба на живот и смрт. Ние немаме резервна држава. Северна Македонија е нашиот единствен, заеднички дом и ќе биде пристојно место за живеење само ако секој од нас го вложи во него својот труд, својата одговорност и својата совест.
Почитувани сограѓани, Нека ни е честита 30-годишнината од независноста! Да ни е вечна и вековита државата!“
порача претседателот Пендаровски.