Министерот за надворешни работи, Бујар Османи, во интервју за „360 степени“ ја коментираше и можноста дека неговите сопартијци од ДУИ би иницирале интерпелација во Собранието за него и за Артан Груби.
Тој вели дека внатрепартиските превирања не се ништо ново, туку напротив тврди дека партијата прогресира преку гласни дебати меѓу членовите.
„Дали ова ви изгледа како нешто различно од кои било други превирања во ДУИ во последните 20 години. ДУИ е жива партија. ДУИ е една од ретките партии каде што има гласни дебати и конфронтации, така ние ја гледаме политиката. Така Ахмети нè стимулира, бидејќи смета дека на тој начин се канализира најдобро енергијата, така се доаѓа до најдобрите идеи. Ова е нормален начин на однесување. Можеби на луѓето кои се навикнати на однесувањето на другите партии им изгледа невообичаено, но ДУИ така функционира. Секој состанок во партијата е гласна дебата и преферираме така да биде“,
вели Османи.