МВР соопшти дека при претресот во неговиот дом во Синѓелиќ била пронајдена пушка „хуглу“ модел ХР 7, користена при кривичното дело и пиштол за светлосно-звучна сигнализација „екол“, кои полицаецот ги поседува со дозвола и потврда за поседување на овој вид оружје
Министерството за внатрешни работи објави и видео од полицаецот кој пукаше на семејна веселба во Скопје, по што и беше уапсен.
Станува збор за полициски службеник од Синѓелиќ во чиј дом полицијата извршила претрес, по претходно добиени информации дека вработен во полициското одделение Петровец при СВР Скопје пукал на веселба во двор, со што извршил кривично дело предизвикување општа опасност.
При претресот, како што соопшти МВР, била пронајдена пушка „хуглу“ модел ХР 7, користена при кривичното дело, и пиштол за светлосно-звучна сигнализација „екол“, кои полицаецот ги поседува со дозвола и потврда за поседување на овој вид оружје.
„Известен е јавен обвинител од ОЈО Скопје, а В. И. е лишен од слобода. По насоки од јавен обвинител, против В. И. ќе биде поднесена кривична пријава за сторено кривично дело предизвикување општа опасност по член 288 од КЗ“,
соопшти МВР.