Погледнете го новото издание на емисијата „360 степени”, емитувано на 17 јуни 2024 г. на МРТ 1, во кое гостуваат членот на организацискиот одбор на Парадата на гордоста Стефан Каракачанов и доскорашната пратеничка Санела Шкриељ
Во новото издание на емисијата „360 степени“ на МРТ 1, со Стефан Каракачанов, член на организацискиот одбор на Парадата на гордоста 2024 и програмски асистент на „Хера“, како и со Санела Шкриељ, доскорашна пратеничка во парламентот, разговараме за петтиот по ред „Скопје прајд“ кој треба да се одржи в сабота (22 јуни 2024 г.). Тема се самата парада, усогласувањето со полицијата на тема безбедност и значењето на слоганот „Спектакуларно непослушни“. Раговараме и за проблемите што ги живее ЛГБТИ-заедницата во земјава и што треба да се очекува на тој планот во мандатот на новата власт? Како десничарската влада на Кирјакос Мицотакис во Грција, држава во која православната црква има големо влијание, призна истополови бракови, а во С Македонија се уште разговараме за почитување на базичното ниво на права на ЛГБТИ-луѓето? Финалето на емисијата е резервирано за рубриката „Саботажа“.