Погледнете го новото издание на емисијата „360 степени“, емитувано на 30 октомври 2023 г. на МРТ 1, во кое гостува ново-стариот владика на МПЦ-ОА, г. Јован (Вранишковски)
Во новото издание на емисијата „360 степени“ гостува владиката Јован. До неодамна за мнозинството во земјава – расколникот Јован Вранишковски, а од пред два месеца повторно митрополит на Македонската православна црква-Охридска архиепископија (МПЦ-ОА). По решавањето на црковниот спор на релација Скопје – Белград, автономната ПОА се реинтегрира во МПЦ-ОА, а Јован доби титула митрополит крушевско-демирхисарски. Разговорот е снимен во битолско Нижополе, во манастирот „Свети Јован Златоуст“, каде живее владиката Јован.
Разговараме за првата средба со поглаварот Стефан по 20 години премрежја, за затворските денови, тешката болест, Нишкиот договор и одлуката да влезе во канонско единство со СПЦ, дали МПЦ-ОА е призната автокефална црква со томосот од СПЦ, односите со Вселенската патријаршија и очекувањата од неа, односите внатре во МПЦ-ОА…