Погледнете го новото издание на емисијата „360 степени”, емитувано на 28 април 2025 г. на МРТ 1, во кое гостува вицепремиерот, министер за транспорт и потпретседател на ВМРО-ДПМНЕ, Александар Николоски
„Тоа е затворено прашање. Есенва ќе има само локални избори”, вели вицепремиерот, министер за транспорт и потпретседател на ВМРО-ДПМНЕ, Александар Николоски, кој гостува во новото издание на емисијата „360 степени” на МРТ 1, одговарајќи дали во октомври ќе има и парламентарни избори. Превирањата во ВЛЕН, колку тие влијаат на стабилноста и компактноста на Владата, треба ли Арбен Таравари да ја напушти власта, дали влада и без ДУИ и без Таравари е политички одржлива – се еден корпус на прашања за кои разговараме со Николоски. Тема во интервјуто се и неодамнешните посети на Обединетите Арапски Емирати и на Обединетото Кралство, најавите за инвестициски циклус од 5-6 милијарди евра, колку од тие пари ќе бидат странски вложувања, а колку ќе се базираат на нови кредити, има ли фискален простор за такви задолжувања, кој ќе ја гради брзата пруга од Табановце до Гевгелија, што се договара за „Чебрен” и „Галиште”, дали кај касарната „Илинден” во Скопје ќе никне нашиот „Белград на вода”… Николоски го прашуваме и за последните измени на Законот за градење.