Погледнете го првото издание на емисијата „360 степени” од новата сезона, емитувано на 15 септември 2025 г. на МРТ 1, во кое гостува министерот за внатрешни работи Панче Тошковски
Не може да се докаже поврзаност или организација меѓу пожарите во последниот период, вели министерот за внатрешни работи Панче Тошковски, кој гостува во првото издание на емисијата „360 степени“ на МРТ 1 во новата сезона. Сепак, останува сомнежот, додава Тошковски, поради тоа што пожарите се случија во краток временски период. Освен за случајот во Трубарево и изјавите од власта дека „има центри на моќ во државата, но и надвор, коишто не сакаат оваа влада да успее“, разговараме и за проектот „Безбеден град“ и „Безбедна држава“. Останува намерата на Тошковски системот за автоматизирано казнување за сообраќајни прекршоци да профункционира на 1 јануари в година, со пробен период од најмалку еден месец претходно. Со „Сејф сити“ е поврзан и магистерскиот труд на Тошковски, па го прашуваме дали станува збор за злоупотреба на јавната позиција за приватни цели. Тема се и испитниот центар за возачки испити во Битола, за што лиценца доби фирма на функционер на ВМРО-ДПМНЕ од Кичево, како и набавките на униформи за специјалците и на 120 возила „пежо 408“ за МВР.