Погледнете го новото издание на емисијата „360 степени”, емитувано на 25 ноември 2024 г. на МРТ 1, во кое гостува пратеничката во Собранието и претседателка на Либерално-демократската партија, Моника Зајкова
Која е структурата во партијата што стои зад иницијативата за вонреден конгрес и смена на Моника Зајкова и каква е улогата во сето тоа на екслидерот Горан Милевски, актуелен амбасадор во Словенија – е една од темите на кои разговараме со претседателката на Либерално-демократската партија (ЛДП), која гостува во новото издание на емисијата 360° на МРТ 1. По изјавата дека во Собранието ќе дејствува независно, Зајкова ја прашуваме и колку е политички морално да му врти грб на СДСМ на чија листа стана пратеничка, колку некои изјави, како за уставни измени со одложено дејство или за воведување законска можност за отповикување градоначалник на референдум, се заради приближување до ВМРО-ДПМНЕ, ќе гласа ли за нов состав на Советот на Агенцијата за аудио и аудиовизуелни медиумски услуги за што се неопходни најмалку 80 “за”, дали битката за превласт во ЛДП е, всушност, битка за тоа кој ќе ги води преговорите со ВМРО-ДПМНЕ за влез во власта… Разговараме и за некои од законските иницијативи на ЛДП, како што е неодамнешната за укинување на дел од надоместоците и провизиите што ги наплаќаат банките за различни услуги за граѓаните и компаниите.