Повредени се 14 лица, меѓу кои шест пожарникари и едно мало дете. Сè уште се трага по 19 лица кои моментално се водат како исчезнати
Најмалку четири лица загинале во пожар што зафатил станбен блок од повеќекатници во шпанскиот град Валенсија, пренесува „Гардијан“.
Повредени се 14 лица, меѓу кои шест пожарникари и едно мало дете. Сè уште се трага по 19 лица кои моментално се водат како исчезнати.
Еден од станарите изјавил дека пожарот избувнал на четвртиот кат од една од зградите и се проширил за 10 минути.
Valencia. Apocalyptic ? not so far from home. 14-story building completely on fire ? pic.twitter.com/5Es8mYbeNb
— Gianluca Fiorelli (@gfiorelli1) February 22, 2024
Пожарот избил вчера вчера попладне во 14-катница во населбата Кампанар и брзо се проширил на соседната зграда.
Пожарникарите ги извлекувале луѓето од балконите, но силниот ветер го разгорел огнот и им го отежнал гаснењето на пожарникарите.
„Може да се потврди дека четири лица загинаа“,
изјавил Хорхе Суарез Торес, заменик-директор на службите за итни случаи за регионот на Валенсија.
Во зградата има 138 стана, во кои живееле околу 450 луѓе.
Dass die ganze #Fassade wie eine Kerze brennt ist äußerst ungewöhnlich.
— Dr. David Lütke (@DrLuetke) February 23, 2024
Der Komplex soll offenbar mit dünnen #Aluminium Platten verkleidet gewesen sein. Das könnte dieses Verhalten erklären.#Brandschutzriegel in #Fassaden kennt man in #Spanien wohl nicht?! #Valencia pic.twitter.com/UKjhO927ea
Локалните медиуми објавиле дека пожарникарите спасиле неколку жители користејќи кранови, меѓу кои и брачен пар кој живеел на седмиот кат.
„Противпожарните служби го гаснат пожарот и моментално работат исклучиво на ладење на надворешните делови на зградата. Со оглед на карактеристиките на зградата, пожарникарите не можеле да влезат внатре и пожарот можеа да го гасат само однадвор“,
изјави Суарез, пренесува Си-ен-ен.
Four people were killed, and 14 people, including six firefighters and a young child, have been injured in the fire at a 14-story residential building located in the neighborhood of Campanar, Valencia, Spain ?? #buildingfire #Spain #Campanar #Valencia pic.twitter.com/HDZTKUQHy3
— MH Chronicle (@MHNewsDaily) February 23, 2024
Властите поставиле теренска болница во областа и најавија дека жителите кои морале да ги напуштат своите домови ќе бидат сместени во хотели.
Градоначалничката на Валенсија, Марија Хозе Катала, изјавила дека Градскиот совет ќе прогласи тридневна жалост.
Шпанскиот премиер Педро Санчез изјавил дека ја изразува неговата солидарност со оние кои се погодени од пожарот.
„Ужаснат сум од страшниот пожар во зградата во Валенсија. Ја изразувам мојата солидарност со сите луѓе погодени од пожарот. Му одавам признание на персоналот за итна помош кој веќе е распореден на местото на настанот“,
напиша тој на социјалната мрежа Икс.