Властите од украинскиот главен град соопштија дека во нападите се повредени најмалку 14 лица и оти има оштетувања на железничката инфраструктура, а запалени биле згради и автомобили низ целиот град
Повеќе локации низ украинскиот главен град Киев се погодени од руски напади во текот на ноќта. Нападите, како што пишува Си-ен-ен, доаѓаат неколку часа откако американскиот претседател Доналд Трамп изјави дека „нема напредок“ кон договор за прекин на огнот за време на телефонскиот разговор со неговиот руски колега Владимир Путин.
Властите од украинскиот главен град соопштија дека во нападите се повредени најмалку 14 лица и оти има оштетувања на железничката инфраструктура, а запалени биле згради и автомобили низ целиот град.
Градоначалникот на Киев, Виталиј Кличко, вели дека 12 од повредените се хоспитализирани.
Штети, според Кличко, има во шест од 10-те области на Киев од двете страни на реката Днепар, кои го преполовуваат градот, а паѓањето на остатоци од беспилотни летала предизвикало пожар во медицински објект.
Kyiv at this hour as Russians unleash what must be the largest attack of the war, targeting the city's civilian population with drones and ballistic missiles.
— Kyiv Insider (@KyivInsider) July 4, 2025
Meanwhile, the US forbids Ukraine from striking Russia's oil infrustructure, the one thing that can stop the war. pic.twitter.com/SLpXWGv9XR
Според Тимур Ткаченко, началник на воената администрација на Киев, осум лица биле ранети во нападот што траел неколку часа, во кој се оштетени повеќекатни згради во два градски квартови.
„Според прелиминарните информации, во округот Соломијански горат неколку пожари. Сите пожари горат во станбени згради“,
напиша Ткаченко на апликацијата Телеграм.
Kyiv reality.
— Anton Gerashchenko (@Gerashchenko_en) July 4, 2025
Missiles fly as civilians try to stay safe in shelters.
Stopping supplies of air defense missiles to Ukraine means a direct threat to civilians, to people like these ones on the video. It means more Russian terror and more tragedies for Ukrainians. https://t.co/9Oe1v6C9ta pic.twitter.com/JCBMBx9Rej
Утринава, украинските воздухопловни сили информирале дека се лансирани повеќе ракети кон Киев и предупредиле за балистичка ракета што се приближува кон главниот град, а кратко потоа, во градот се слушнала силна експлозија.
Новинарските екипи на Си-ен-ен пренесуваат дека голем чад го исполнил воздухот во некои делови од центарот на градот и оти над нив се слушале беспилотни летала.
Вчера, Трамп одржа речиси едночасовен разговор со Путин и потоа изрази незадоволство поради застојот во преговорите за прекин на огнот.
„Имавме повик. Беше прилично долг разговор. Разговаравме за многу работи, вклучувајќи го и Иран, а разговаравме и за, како што знаете, војната со Украина. Не сум среќен поради тоа“,
рече Трамп.
Трамп рече и дека не постигнал напредок со Путин во договорот со Украина.
Путин во разговорот му рекол на Трамп дека Mосква е подготвена да ги продолжи преговорите со Украина, но нема да се откаже од своите првични цели.
Администрацијата на Трамп ги паузира некои испораки на оружје за Украина, вклучително и ракети за воздушна одбрана, по прегледот на воените трошоци и американската поддршка за странски земји.
Трамп призна дека рекол оти одлуката е донесена за да се заштитат американските залихи.