Македонска државјанка. која помалку од една година живее и работи во Австралија, испрати кратко видео до „360 Степени“ за достапноста на основните прехрамбени продукти во тамошните супермаркети. Снимката, која е направена во Мелбурн, покажува дека голем број од рафтовите се целосно празни.
Паничното купување во Австралија поради коронавирусот почна уште пред неколку дена. Голем дел од ланците на супермаркети воведоа забрани за купување на поголема количина на еден производ. Веќе беа регистрирани и првите инциденти во „борбата“ за тоалет хартија и други производи.
Поради огромните гужви и недостатокот на основни производи, дел од ланците на супермаркети воведоа и т.н. „специјален час“. Тоа е однапред утврдено време во кое смеат да пазаруваат само старите и изнемоштени лица.
