Осврнувајќи се на жртвите, рече дека тагуваат за вистинските американски патриоти што направија најголема жртва за нивната нација. Повика на молитви за целосно закрепнување на уште петмина војници што се сериозно повредени. Американската војска објави дека тројца војници се убиени, а петмина се сериозно ранети, означувајќи ги како први жртви на операциите против Иран
Во обраќањето, американскиот претседател рече дека заедничкиот напад на САД и Израел е една од најголемите, најсложените, најпреовладувачки воени офанзиви што светот некогаш ги видел
Американскиот претседател Доналд Трамп во вчерашното видеообраќање објавено на неговата социјална мрежа Трут сошал вети дека ја одмазди смртта на тројцата американски војници што загинаа во нападите врз Иран, додавајќи дека може да има и нови загуби.
„За жал, веројатно ќе има повеќе пред да заврши. Но, ќе направиме сè што е можно тоа да не биде случај таму каде е можно“,
рече тој на Трут Соушл.
Според него, Америка ќе ја одмазди нивната смрт и ќе им нанесе најтежок удар на, како што рече, терористите што ѝ објавија војна на цивилизација.
Осврнувајќи се на жртвите, рече дека тагуваат за вистинските американски патриоти што направија најголема жртва за нивната нација. Повика на молитви за целосно закрепнување на уште петмина сериозно повредени војници.
Американската војска објави дека тројца војници се убиени, а петмина се сериозно ранети, означувајќи ги како први жртви на операциите против Иран.
САД, како што рече, спроведуваат масовна операција не само за да има безбедност, додавајќи, на нашето време и место, туку и за нашите и нивните деца.
Во обраќањето, американскиот претседател рече дека заедничкиот напад на САД и Израел е една од најголемите, најсложените, најпреовладувачки воени офанзиви што светот некогаш ги видел.
„Никој не видел нешто слично“,
рече тој.
Според него, здружените сили погодиле стотици цели во Иран, вклучувајќи објекти на Револуционерната гарда, ирански системи за воздушна одбрана.
„Објавено дека уништивме девет брода, плус нивната поморска зграда, сè буквално за неколку минути“,
додаде американскиот претседател.
Обраќањето го заврши со предупредување до иранските лидери и војска.
„Ние сме најголемата и најмоќна нација во светот. Овие неподносливи закани нема да продолжат веќе. Уште еднаш ја повикувам Револуционерната гарда, иранската воена полиција, да го положат оружјето и да добијат целосен имунитет или да се соочат со сигурна смрт. Смртта сигурно нема да биде убава“,
кажа Трамп.
Ги повика иранските патриоти, за кои рече дека копнеат по слобода, да го искористат овој момент, да бидат храбри, смели и херојски да ја вратат својата земја.
„Америка е со вас“,
рече тој.