Земјотресот во Јужна Калифорнија е регистриран кога во овој дел од САД пристигна и тропската бура Хилари
Земјотрес со јачина од 5,1 степени според Рихтеровата скала вчера е регистриран во Јужна Калифорнија, во 14:41 часот по локално време, соопшти Европскиот медитерански сеизмолошки институт (EMSC). Земјотресот во Јужна Калифорнија е регистриран кога во овој дел од САД пристигна и тропската бура Хилари.
Земјотресот бил на длабочина од 10 километри.
Според информациите од Европскиот медитерански сеизмолошки институт, епицентарот на земјотресот бил во областа северно од Лос Анџелес, а потресите ги почувствувале жителите во голем дел од јужната област на оваа американска сојузна држава додека се подготвувале за да се заштитат од евентуални поплави предизвикани од тропската бура.
The moment the #earthquake interrupted @ABC7 Los Angeles’ coverage of #Hilary. pic.twitter.com/IBVDCx7XHN
— Nick Stewart (@NStewWX) August 20, 2023
Нема информации за причинета материјална штета и евентуални жртви. Американскиот систем за предупредување извести дека по овој земјотрес нема опасност од цунами.
Тоа е прва тропска бура што го погоди округот на Лос Анџелес од 1939 година.
Тропската бура Хилари предизвика поплави источно и западно од Лос Анџелес откако помина низ мексиканскиот полуостров Долна Калифорнија, каде што загина еден човек.
The moment the #earthquake interrupted @ABC7 Los Angeles’ coverage of #Hilary. pic.twitter.com/IBVDCx7XHN
— Nick Stewart (@NStewWX) August 20, 2023
Од видеата и фотографиите објавени на социјалните мрежи може да се види како градските улици во Лос Анџелес и Мексико се претворени во реки.
Hurricane Hilary makes landfall in Mexico as a Category 1 storm, bringing heavy rain and strong winds. The storm is expected to cause flooding and mudslides, and residents are urged to evacuate if necessary.#HurricaneHilary #storm #sundayvibes
— Chris & Ola (@ChrisandOla) August 20, 2023
pic.twitter.com/YAGkftaE4Z
Гувернерот на Калифорнија, Гевин Њусом, прогласи вонредна состојба во поголемиот дел од Јужна Калифорнија, со предупредувања за големи поплави.
Тоа е област која била изложена на долги сушни периоди. Во планинските и пустинските предели за краток временски период би можеле да наврнат од 12 до 25 сантиметри дожд, колку што вообичаено паѓа во овие области на годишно ниво.
Во округот Сан Бернардино наредено е да се евакуираат бројни места во планините и долините, каде што на фотографиите од социјалните мрежи можеа да се видат порои од вода, кал, камења и дрвја.
На запад во понаселениот округ Вентура, Националната метеоролошка служба издаде предупредување за поплави опасни по живот.
Повеќе од 1 000 лета во или надвор од САД се откажани во неделата, а повеќе од 4 400 се одложени. Станува збор за летови кои се откажани во Сан Диего, Лас Вегас и Лос Анџелес.
Tropical Storm Hilary unleashed furious flash floods east and west of Los Angeles as the system made its historic arrival in California after barreling through Mexico’s Baja California peninsula with deadly force https://t.co/YEcnXF2gRO pic.twitter.com/e6kO0ugm9X
— Reuters (@Reuters) August 21, 2023
Градоначалникот на Палм Спрингс, Скот Стајлс, на Твитер напиша дека е прогласена локална вонредна состојба поради невремето, а од жителите е побарано да останат дома и да избегнуваат возење.
#BREAKING: PALM SPRINGS CITY MANAGER DECLARES LOCAL EMERGENCY DUE TO IMPACTS OF #HILARY Due to unprecedented rainfall and flooding of local roadways and at least one swift water rescue.
— StormHQ ☈ (@StormHQwx) August 21, 2023
Source: Palm Springs FD#cawx #flood pic.twitter.com/rTNNWLRkUb
Градоначалникот на Сан Диего, Тод Глорија, за Си-ен-ен вели дека не се навикнати на вакво ниво на врнежи и тоа не во средината на летото.
„Загрижен сум за потенцијалните прекини на струја од ветерот, како и поплавите. Не сме изградени за вакви врнежи. Она што го очекуваме, тоа може да нè совлада“,
додаде тој.
Иако се очекува бурата да слабее, таа ќе продолжи да го погодува регионот со тешки временски услови додека се движи понатаму во САД.