Израелските медиуми објавија дека целта на нападот бил високиот функционер на Хамас, Мохамед Синвар – помладиот брат на поранешниот лидер на Хамас во Газа, Јахја Синвар
Во воздушен напад на Израел загинаа најмалку 16 лица, а десетици беа повредени во Европската болница во Кан Јунис, соопшти Министерството за здравство на Хамас, пренесе Би-би-си.
Според локални извори, израелски воени авиони фрлиле шест бомби истовремено врз болницата во Газа, погодувајќи го и внатрешниот двор и околното подрачје.
Израелската војска соопшти дека извршила прецизен удар врз терористите на Хамас во командниот и контролен центар за кој се вели дека се наоѓал под болницата.
Фриленсер кој работи за Би-би-си во Газа е меѓу повредените во овој напад и сега е во стабилна состојба откако добил медицинска помош.
⚡️BREAKING: Israel bombs the second hospital in less than 24 hours.
— Suppressed News. (@SuppressedNws) May 13, 2025
Israeli forces bombed the European Hospital in Khan Younis, Gaza, striking the emergency courtyard and surrounding area with at least 6–9 missiles.
The attack caused extensive damage to hospital departments and… pic.twitter.com/1Hx3fv17WK
Според локални извори, мртвите и ранетите се однесени во болницата Насер во Кан Јунис, каде што медицинските екипи наводно тешко можат да ги згрижат сите повредени. Одделот за итни случаи во болницата Насер бил погоден од уште еден напад претходно во текот на денот, според медицински извори и сведоци.
Според нив, меѓу тројцата убиени е и истакнат палестински фоторепортер.
From inside Nasser Hospital, where Israel bombed one of its sections, killing journalist Hassan Eslayeh. pic.twitter.com/QS0lO3l3nz
— TIMES OF GAZA (@Timesofgaza) May 13, 2025
Хасан Аслих, кој бил на лекување од повреди здобиени во претходен израелски напад, според сведоците, бил цел на напад со беспилотно летало врз хируршкото одделение на болницата. Лекар потврди дека Аслих бил во болница речиси еден месец откако преживеал воздушен напад врз истиот објект во април.
Израелската војска претходно го обвини за учество во нападот на Хамас врз Израел на 7 октомври. Во нападот во април беше убиен неговиот колега Хелми ал Факави и беа ранети неколку други новинари.
Во заедничка изјава на ИДФ и Израелската безбедносна агенција (ИСА) се вели дека Хамас продолжува да ги користи болниците во Газа за своите активности – долгогодишно израелско обвинување што групата го негира.
Израелските медиуми објавија дека целта на нападот бил високиот функционер на Хамас, Мохамед Синвар – помладиот брат на поранешниот лидер на Хамас во Газа, Јахја Синвар.