Синот на Бајден почина во 2015 година од рак на мозокот
Американскиот претседател Џо Бајден вчера, за време на говорот во Колорадо, изјави дека неговиот син Бо го загубил животот во Ирак.
„Го кажувам ова како татко на човек кој освои Бронзена ѕвезда, медал за истакната служба и го загуби животот во Ирак“,
рече Бајден, пренесе Фокс њуз.
Joe Biden falsely claims his late son Beau “lost his life in Iraq.”
— Wendell Husebø (@WendellHusebo) October 12, 2022
Beau died of brain cancer. pic.twitter.com/gEfXZOdiys
Синот на Бајден почина во 2015 година од рак на мозокот.
Во 2019 година Бајден изјави дека верува дека неговиот син се разболел во Ирак и подоцна умрел.
„Мислам дека е така, сè уште не можам да го докажам тоа. Бо се врати од Ирак со глиобластом во четврта фаза. Живееше 18 месеци знаејќи дека ќе умре“,
рекол Бајден во 2019 година.
Од Фокс њуз побарале појаснување и коментар од Белата куќа во однос на оваа нова изјава на американскиот претседател.